Sajda tilawat ke Sahi ahkaam

💠 *SAJDA TILAWAT KA SAHI HUKUM* 💠

aaj is tehreer me hum sajda tilawat ke bare me hone wale ikhtilaf ka sahi hadis ki roshni me jayeza lete hai aur kuch sawal jo sajda tilawat ke bare me aksar hote hai woh yeh hain.
*1* quran me kull kitne sajde ki ayat hain?
*2* kya sajde ki ayat par sajda karna wajib hai?
*3* sajde tilawat me konsi dua padhna chahiye?

🛑 *sawal no 1*
quran me kull kitne sajde ki ayat hai hai?

 quran me kull 15 sajde ki ayat hain
        *Name* *Parah No* *Surah No* *Ayat No*
*1* surah Aeraf = 09 07 206
*2* surah raad = 13 13 15
*3* surah nahal = 14 16 50
*4* surah isra = 15 17 109
*5* surah maryam = 16 19 58
*6* surah hajj = 17 22 18
*7* surah hajj = 17 22 77
*8* surah furqan = 19 25 60
*9* surah namal = 19 27 26
*10* surah sajda = 21 32 15
*11* surah suaad= 23 38 24
*12* surah م ح sajda= 24 41 38
*13* surah najm = 27 53 62
*14* surah inshiqaq = 30 84 21
*15* surah alaq = 30 96 19

*ba'az shafie fiqh ke log aitraz karte hai ke surah suaad ka sajda imam shafie ke nazdeek nhi hai toh uska jawab yeh hai ke hamse qayamat ke din yeh nhi pocha jayega ke tumne imam shafie ki sunnat pe amal kiya ke nhi? hamse nabi sallalahu alaihi wasallam ki itteba aur sunnat ke bare me pocha jayega aur nabi sallalahu alaihi wasallam se surah suaad ka sajda sabit hai*

✳ ibne abbas radhiallaho anhu se pocha gaya ke kya surah suaad me sajda hai toh ibne abbas radhiallaho anhu ne kaha haa aur kaha ke tumhre nabi bhi unme se hai jinhe agle ambiya ki ikteda ka hukum diya gaya hai.
🏷 *(sahi bukhari 4632)*

✳ nabi sallalahu alaihi wasallam ne surah suaad me sajda kiya aur farmaya ke dawood alaihissalam ne yeh sajda tauba ki liye kiya tha aur hum yeh sajda ( tauba ki kaboliyat par) shukar ada karne ke liye kar rhe hain.
🏷 *( sunan nisai 958)*

sabit hua surah suaad me nabi sallalahu alaihi wasallam ne sajda kiya tha aur hame bhi karna chahiye.

*ba'az hanfi fiqh ke log yeh kehte hai ke surah hajj me sirf ek hi sajda hai, jabke nabi sallalahu alaihi wasallam ki hadis hai surah hajj me 2 sajde hai uski daleel neeche dekhiye.*

✳ ukbah bin amir radhiallaho anhu kehte hai nabi sallalahu alaihi wasallam se pocha gaya ke kya surah hajj me 2 sajde hai toh aap sallalahu alaihi wasallam ne farmaya ke haa surah hajj me 2 sajde hai jo isey padhe usey chahiye ke dono sajde kare.
🏷 *( abu dawood 1402 / Tirmizi 578 / Mishkat 1030)*

sabit hua ke hanfio ka surah hajj ke dusre sajde ka inkar karna galat hai aur khilafe sunnat hai lihaza unhe chahiye ke nabi sallalahu alaihi wasallam ki sunnat ki pairvi kare.

🛑 sawal no 2
kya sajde ki ayat par sajda karna wajib hai?

Nabi sallalahu alaihi wasallam ne ba'az aukat sajde ki ayat par sajda kiya hai aur ba'az aukat sajda nhi bhi kiya hai uski daleel dekhiye.

✳ abdullah bin abbas radhiallaho anhu bayan karte hai ke nabi sallalahu alaihi wasallam ne surah najm ki tilawat ke dauran sajda kiya toh aap sallalahu alaihi wasallam ke sajda karne ka aisa roab hua ke sare musalmaan, mushrik, jinn o ins usi waqt be ikhtiyar sajde me gir pade.
🏷 *( sahi bukhari 1071)*

✳ zaid bin sabit radhiallaho anhu bayan karte hai ke mene nabi sallalahu alaihi wasallam ko surah najm sunai toh aap sallalahu alaihi wasallam ne usme sajda na kiya.
🏷 *( sahi bukhari 1072 / sahi muslim 1298)*

*abdullah bin abbas radhiallaho anhu ki bayan kardah hadis me aap sallalahu alaihi wasallam ne surah najm par sajda kiya aur aap ke sath sab logo ne sajda kiya aur jab zaid bin sabit radhiallaho anhu ne surah najm sunai toh aap sallalahu alaihi wasallam ne sajda nhi kiya, issey saaf zahir hota hai ke sajda tilawat karna wajib nhi hai sunnat hai, mazeed dekhiye*

hazrat umar farooq radhiallaho anhu ne jumme ke din mimbar par surah nahal padhi aur jab sajde ki ayat ke akhir tak pohanche toh mimbar se utar ke sajda kiya aur logo ne bhi un ke sath sajda kiya : phir dusre jumma ko hazrat umar ne phir surah nahal padhi aur jab sajde ki ayat par pohanche toh kehne lage : logo hum sajde ki ayat padhte chale jate hai phir jo koi sajda kare toh usne accha kiya aur jo koi sajda na kare toh us par koi gunah nhi aur hazrat umar ne khud bhi sajda nhi kiya, isi hadis me abdullah bin umar radhiallaho anhu kehte hai allah ta'ala ne sajda tilawat farz nhi kiya hamari khushi par rakha hai.
🏷 *(sahi bukhari 1077)*

lihaza yeh baat sabit huvi ke sajda tilawat wajib nhi balke sunnat hai iske chorne wale par koi gunah nhi hai.

🛑 sawal no 3
Sajde tilawat me konsi dua padhna chahiye?

hum jo dua namaz ke sajdo me padhte hai woh dua bhi padh sakte hai aur ek dua jo aksar sajda tilawat ke liye bayan ki jaati ( sajdah wajhiya lil lazi khalaqh washakkah samahu wa basarahu bihaulihi wa kuwati ) *(tirmizi 3425 zaeef)*
yeh dua zaeef hai lihaza iske mukable me dusri dua jo sahi sanad se sabit hai woh neeche hadees ke sath bayan kar rhe hai.

✳ ek shaks ne rasulallah sallalahu alaihi wasallam ke pass akar arz kiya : allah ke rasul me soya hua tha, raat me ne apne aapko khuwab me dekha toh me ek darakht ke peeche namaz padh rha hu, mene sajda kiya toh darakht ne bhi sajda kiya, mene suna woh parh rha tha *(allahum maktubli biha indaka ajra, hotta anni biha wizra, wa ajalhaali indaka zukhra)*
ibne abbas kehte hai ke iske baad mene dekha ke rasulallah sallalahu alaihi wasallam jab sajde ki ayat padhte aur sajda karte toh yehi dua padhte.
🏷 *(Tirmizi 3424 / ibne maja 1053)*


*akhir me allah ta'ala se dua hai ke allah hame hakk baat samajne ki taufeek ata farmaye aur hame jab tak zinda rakhe iman par zinda rakhe aur jab khatma ho toh iman bil khair par ho. ameen*